In sguard ella historia culturala dalla Val Medel

Dudisch episodas da film cun temas varionts fan reviver la historia culturala dalla Val Medel.

Las fotografias historicas dil 20avel tschentaner tumpriv dattan ina investa en temps vargai ella Val Medel.

Installaziuns da video dil duo artistic dil Grischun Gabriela Gerber e Lukas Bardill e fotografias dall' artista Ester Vonplon che viva en Surselva.

Cronica da film

Historia da cultura viva dalla Val Medel

Igl element central da «La Vitrina» ei la cronica da film dalla historia culturala dalla Val Medel cun dudisch episodas. Ils films cuorts raquentan historias aventurusas dil temps medieval, rapportan dall’avertura dalla val cun in stradun, dil svilup turistic da Curaglia sco «liug da cura climatic» e bia auter. Cun quels videos documentars nescha l’emprema cronica da film en pliras parts ch’ei dat d’ina vischnaunca en Svizra.

Vigeli dallas Islas (1820–1902)

L’ovra d’art la pli interessanta dalla Val Medel dil 19avel tschentaner ei la sculptura da lenn dil Péz Caschleglia da Vigeli Pally, numnaus Vigeli dallas Islas. Il cuolm retuorna suenter varga tschien onns en siu liug d’origin. Vigeli fuva catschadur, guid da muntogna, resgiader, brischacotgla e bia auter. In accident tragic al Péz Muraun ha ruinau sia veta, mo el ha inventau sesez da niev … era sco sculptur.

Gabriela Gerber und Lukas Bardill

Ester Vonplon

Sco ils fotografs, ch’ein vegni baul il 20avel tschentaner ella Val Medel, fuva era Ester Vonplon la primavera 2023 sin via cun grevs apparats, ina camera analoga per gronds maletgs. En uauls naturals, palius e cavorgias ha ella encuretg cuntradas intactas e zuppadas. Sias quater fotografias da colur pittorescas fuorman in ferm cuntrast allas fotografias historicas en ner ed alv. Ester Vonplon viva en Surselva ed ei internaziunal sin viadi sco artista da fotografias.

Informaziuns

Posiziun

La stalla d’exposiziun ei el center dil vitg da Curaglia, sut la casa communala. Cul traffic public, igl auto da posta, arriveis Vus a Curaglia e sortis alla fermada dalla posta.

Temps d’avertura

La stalla d’exposiziun da «La Vitrina» ei aviarta mintga di dallas 9 – 19 uras, ed igl access ei gratuits. L’exposiziun ei permanenta.

Purtaders dil project

Il project «La Vitrina» vegn realisaus dall’uniun cul medem num cun sedia a Curaglia. Ils commebers dalla suprastonza ein Albert Lutz sco president ed iniziant dil project, Daniela Kienzler sco coordinatura dil project sco era Rico Tuor e Gabirel Venzin-Marty.